يلعن امكً>> صاارت مدحهـ؟ً؟َ؟ٌ

[center]يلعن أمك صآرت مدحه ..!!
بصراحه هالموضوع شدني واحنا غافلين عنه من جد
ما تلاحظون إن كلمة [ يلعن أمك ] اكرمكم الله إنتشرت إنتشار غريب و مريب ..
وصار اللي يقولها عااادي جداً كانه قايل [ السلام عليكم ] .!و الأغرب إن اللي تنقال له عادي عنده كذلك..!!
كيف ترضى على أمك ؟! و ليش ؟! و حتى بعض البنات اللحين صارت عندهم يلعن أمك مدحه ..!! أو هذا تعبير عن الحماس في سالفة ما !
مثلاً يجي واحد يقول : والله أمس سويت كذا وسويت كذا يجي الثاني يقول : يلعن أمك ياشيخ ..!!
و إذا قال له [يلعن أمك ] مدّ هالخشه شبرين كأنه قايل له شعر يمدحه..! و إلاّ بعض الشباب واحد يسأل الثاني وش رايك باللاعب الفلاني ..؟
يقول : يلعن أمممممممممه يلعب من جد ..! طيب أبي أفهم .. وش دخل أمه بالموضوع ..؟! يا أخي للأسف الشديد إن هذه الكلمة منتشره بين كثير من الناس إنتشار كبير و الآن حاصله مع الشباب في جلساتهم فلان وينك أمس يلعن أمك ؟
علان: أبد رحت مع فلان الله يلعن أمه. فلان: ليه ماقلتلي إنك بتروح معه الله يلعن أمك أنت ويّاه ؟ -لاحول ولاقوة إلا بالله بكل بساطه يلعن أمه ويلعن امك -علان: وش دراني إنك بتروح يلعن أمك ! وهكذا تدور مثل هذه الكلمات الفاحشة عند كثير من الشباب ولا كأنه صار شي !!
وكم واحد تسأله عن هالكلمه .. بيقول لك : صارت عاده ..! هذا جواب اقبح من ذنب مافيه شي تتعود عليه وإنت تدري انه موب زين ولا تقدر تخليه ..! يمكن إنت تغفل أو تتغافل عن الذنب اللي تحصله من هالكلمة ..! بس لا تنسى و إنت تقول هالكلمة أنك تسوي شيء من الكبائر
أنت تخيلت معي ..؟! كبائر الذنوب ..!! صحّ عنه صلى الله عليه وسلم أنه قال{ من الكبائر شتم الرجل والديه , قالوا : يا رسول الله وهل يشتم الرجل والديه ؟ قال : نعم , يسب أبا الرجل فيسب أباه ويسب أمه فيسب أمه } راوه مسلم .وش رايكم ..؟وش الحل لهذي المشكلة الخطيرة ..؟
يعني لهالدرجة مافيه إحترام ولا تقدير للأم ..؟!والله انه قلبي عورني حيل من واقعنا المرير والي كل يوم من سئ لأسوأ

والله بججد الله يهديينا وييههدي جميييع المسسلميين

اللي ععندهـ عقل مـآراحـ يقـوولهههـآ

ايه والله وانتي صادقه

مننوره

آيَ والله انك صادقه يانوره

العقل نعمه

ي لبي قلبتس ي

G H A L A

والله صحيح كلامك

هاذي الكلمة صارت عادية جدا

حتى صادفتني صديقة وقالتها لي بس بيدون قصصد